Të gjithë anëtarët e kryesisë së LDK-së, tashmë janë mbledhur dhe kanë filluar takimin e thirrur nga Kryetari i LDK-së, Isa Mustafa.

Ky takimi i cili sapo ka filluar është duke u zhvilluar më dyer të mbyllura dhe larg mediave, shkruan arbresh.info.

Kujtojmë se Lidhja Demokratike e Kosovës, do të mbaj të shtunën konventën e 9 në të cilën pritet të zgjedhet kryetari i ri i saj.

Ndonëse deri tash kanë qarkulluar emrat e kandidatëve të ndryshëm të cilët po synojnë këtë post, zyrtarisht ende asnjë nga ta nuk ka dalë të shpall kandidaturën e tij.

Ndryshe pas përfundimit të mbledhjes pritet që ndonjë nga anëtaret e kryesisë së LDK-së, të prononcohen para mediave.

Ditëve të fundit takimet e  anëtareve të kryesisë janë shpeshtuar për shkak të përgatitjeve për konventën zgjedhore që pritet të mbahet më 3 gushtë më fillim të orës 10:00.

Arbresh.info gjendet tekë selia e LDK-së dhe do të ju mbaj live të informuar për çdo zhvillim./arbresh.info/